Генератор жанам шалгах зөвлөмж
Жанам буюу генератор нь хөдөлгүүрийн ременээр эргэлт авч, аккумуляторыг цэнэглэж байдаг. Хэрэв генератор доголдвол автомашины цахилгаан систем асуудалд орж, аккумулятор цэнэгээ алддаг.
Анхаарах зүйл: Хөдөлгүүр асаалттай үед аккумуляторыг салгах нь оч хаяж, цахилгаан хэрэгсэл шатах эрсдэлтэй тул ингэхээс зайлсхийх хэрэгтэй
Генераторын ажиллагааг шалгах 4 арга
1. Аккумуляторын цэнэгийг шалгах
Тестерээ DC тохируулга дээр тавина.
Аккумуляторын нэмэх ба хасах туйлд тестерийн үзүүрийг холбож хэмжинэ.
Хэвийн хүчдэл: 12.5-12.8V
2. Генераторын механик холбоосыг шалгах
Генераторын ар талд байгаа дамжуулах утасны бэхэлгээ сул байвал цэнэглэлт доголддог.
Ремений чангалгаа суларсан бол генератор бүрэн хүчин чадлаараа ажиллахгүй.
3. Хөдөлгүүр бүрэн халсны дараа генераторын хүчдэлийг хэмжих
Хөдөлгүүрийг асааж, сул ажиллуулах үед:
Хэвийн хүчдэл: 13.6-14.3V
Хэрэв хүчдэл энэ хэмжээнээс бага байвал генератор доголдож, солих шаардлагатай.
4. Генераторын гүйдлийн хүч (Ампер)-ийг шалгах
Хэрэв хүчдэл хэвийн боловч амперыг хэмжих шаардлагатай бол:
Генераторын их бие дээр жишээ нь 90А гэж бичсэн бол тестерээр хэмжихэд 88А орчим байх ёстой.
Үүнийг шалгахдаа бүх цахилгаан хэрэгслүүдийг (гэрэл, хөгжим, пар, суудал халаагч гэх мэт) ажиллуулж, хөдөлгүүрийн эргэлтийг 1200 RPM дээр тогтоон барина.
Эдгээр алхмуудыг дагаснаар генератор хэвийн ажиллаж байгаа эсэхийг нарийвчлан тодорхойлж болно
